أخى الزائر الكريم كن فى المنتدى كالنحلة على الزهرة تمتص رحيقها ولكنها تعود على الاخرين بأحلى وأنفع مما أخذت فنرجو منك التسجيل والانتفاع بما فى المنتدى والمشاركة بما عندك نتمنى لك اطيب الاوقات
أخى الزائر الكريم كن فى المنتدى كالنحلة على الزهرة تمتص رحيقها ولكنها تعود على الاخرين بأحلى وأنفع مما أخذت فنرجو منك التسجيل والانتفاع بما فى المنتدى والمشاركة بما عندك نتمنى لك اطيب الاوقات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالتسجيلأحدث الصوردخول
شكر خاص لكل من قدم اى مشاركة فى المنتدى

 

 سياده المخلوع ارجعلنا

اذهب الى الأسفل 
3 مشترك
كاتب الموضوعرسالة
هبه جابر




عدد المساهمات : 39
تاريخ التسجيل : 02/05/2011

سياده المخلوع ارجعلنا Empty
مُساهمةموضوع: سياده المخلوع ارجعلنا   سياده المخلوع ارجعلنا Icon_minitime1الأحد 14 أغسطس 2011, 2:36 am

Sad Sad Sad Sad Sad سيادة المخلوع ... ارجعلنا

مش انت واحد مننا ؟؟

و عمرك في يوم ما سرقتنا
...
...ولا خدت مليم مننا

ما تيجي طب ترجعلنا

تقعد بأهلك وسطنا

أهو مرة تاكل أكلنا

وتلبس يا خويا من لبسنا

وتعيش في حارة او في شارع زينا

قلت ايه ؟؟ يا حارق دمنا

سيادة المخلوع ... ارجعلنا

وغداك يا سيدي عندي أنا

رز و بطاطس مسرطنة

لحمة ؟؟... مفيش من سنة

فاكهة ؟؟... تعيش انت و أنا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

سيادة الرئيس ... ارجعلنا

مش سبت الحكم .. لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا انت فاكر زينا

قطار اتحرق من كام سنة

وغازنا اللي طار من أرضنا ... لعدونا

وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا

ومركبة بأحلى شباب ... ييجوا من ايطاليا غرقانين .. والقرش ياكل لحمنا

والله كانوا زينا

ويمكن أحسن مننا

لهم بيوت و ولاد و عيشة و حلم .. زي حلمنا

اتغربوا و اتبهدلوا .. لما الفساد طال كل حاجة في أرضنا

واللي ما ماتش .. قاعد في غربته .. والغريب بيذلنا

اقول كمان ؟؟ ولا كفاية ... و اهو انت عارف عننا

أصبر هتسمع حكمنا

سيادة الرئيس ... ارجعلنا

ولو انت واحد مننا

فعلا يهمك أمرنا

بينا عالنائب العام .. تفتنله على ولاد الحرام ... مصوا بلدنا و دمنا

و افتن دي فتنة مش حرام .. ده حقنا

دا لو انت واحد مننا

أصبر هتسمع حكمنا

سيادة الرئيس ... ارجعلنا

اقعد معانا و زينا

هعرفك .....ـ

دي (أم خالد) أمنا

ودول أهل (سالي) أهلنا

و(عمر بن بنونة ) إبننا

فسر و احكي و قللهم .. و قللنا

واستسمح الروح اللي منورة في الجنة عند ربنا

هتقول مكنش قصدنا ؟؟ـ

دول ماتوا غصب عننا ؟؟ـ

كداب و فاجر .. و اللي يصدقك زيك .. والكدب ريحته منتنة

تتشل إيد اللي ضرب ،، و اللي أمر ،، و عليكوا لعنة ربنا

أصبر هتسمع حكما

أيوه بقول ارجع لنا

ياللي سرقت حلمنا

وغربتنا و نهبتنا ... و في كل حتة أهنتنا

إحنا اللي سال دمنا

في الأربعين و اسكندرية و التحرير يشهدلنا

آدي القفص ... أقف هنا

والشعب يحكم .. مش أنا

صدقني ... هي بينة

من فوق سبع سماوات .. قالها ربنا

العين بالعين والسن بالسن ... و هو دا بقه حكمنا ... و مفيش غيره عندنا.......
.
الرجوع الى أعلى الصفحة اذهب الى الأسفل
هشام مجدي

هشام مجدي


عدد المساهمات : 162
تاريخ التسجيل : 11/04/2011
العمر : 35

سياده المخلوع ارجعلنا Empty
مُساهمةموضوع: رد: سياده المخلوع ارجعلنا   سياده المخلوع ارجعلنا Icon_minitime1الأحد 14 أغسطس 2011, 4:08 pm

حلوووووووووووووووووووووة
الرجوع الى أعلى الصفحة اذهب الى الأسفل
https://www.facebook.com/hishammgd
asalaya




عدد المساهمات : 3
تاريخ التسجيل : 07/06/2013
العمر : 25

سياده المخلوع ارجعلنا Empty
مُساهمةموضوع: يا سيادة المخلوع ارجعلنا   سياده المخلوع ارجعلنا Icon_minitime1الجمعة 07 يونيو 2013, 11:17 pm

هو لو واحد مننا فعلا اكيد كان هيبقى عارف باللى احنا فيه
الرجوع الى أعلى الصفحة اذهب الى الأسفل
 
سياده المخلوع ارجعلنا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: أحلى شباب-
انتقل الى: